கவின்கேர்

உள்ளூர் பொருட்களை ஆதரிப்போம் - 6

கவின்கேர் 

பணக்காரர்கள் மட்டும் உபயோகித்து வந்த ஷாம்பூவை சிறிய பாக்கெட்டில் அடைத்து வைக்கலாம் என்ற ஒரு ஐடியா , இன்று 1000 கோடி ரூபாய் கம்பெனியாக உயர்ந்து நிற்கிறது . இந்தியாவில் முதல் முறையாக சாஷே பாக்கெட்டில் 50 பைசாவுக்கு "வெல்வெட் ஷாம்பு"வை அறிமுகம் செய்தது சிகே.ரங்கராஜன் குடும்பம் . இன்று காபி, டி தூள் முதல் எல்லா பொருளும் சிறிய சாஷேவில் கிடைப்பதற்கு இது தான் முதல் பொருள் .

அதன்பிறகு தனியாக 15000 ஆயிரம் முதலீட்டில் சிக் ஷாம்புவுடன் சிகே.ரங்கராஜனால் தொடங்கப்பட்ட நிறுவனம் இன்று 1000 கோடி வர்த்தகம் செய்யும் கவின்கேர் நிறுவனமாக வளர்ந்து நிற்கிறது . யூனிலீவர் , பி&ஜி போன்ற வெளிநாட்டு நிறுவனங்களுடன் போட்டியிட்டு ஷாம்பு விற்பனையில் தனி இடம் பிடித்துள்ளது. ஷாம்பு மட்டுமல்ல ஊறுகாய் தவிர கவின்கேரின் எல்லா தயாரிப்புமே MNC பொருட்களை எதிர்த்துதான் ...

கடலூரில் தொடங்கப்பட்ட இந்த நிறுவனம் இன்று சென்னை , பாண்டிச்சேரி , இமாச்சல்பிரதேஷ் உட்பட பல இடங்களில் தொழிற்சாலைகளை கொண்டுள்ளது . 100 க்கும் மேற்பட்ட பொருட்களை தயாரிக்கிறது .வியாபாரம் தாண்டி ஆண்டுக்கு 7 கோடி ரூபாய் அளவிற்கு சமூக பணிகளில் செலவிடுகிறது . தொழில் முனைவோர் கூட்டமைப்பின் தலைவராக இருந்த ரங்கராஜன் , தொழில் தொடர்பான கருத்தரங்குகளில் ஆலோசனை வழங்கி வருகிறார். சில நூல்களும் எழுதியுள்ளார்.

PRODUCTS : Chik Shampoo , Meera shampoo , Karthika shampoo , Nyle Shampoo, FAIREVER CREAM , SPINZ POWDER , SPINZ BODY SPRAY , INDICA HAIRDYE , Raaga Beauty products , Ruchi pickle , Chinnis pickle , Chinnis Kadalai mittai , Garden snacks , Garden soanpapdi , Cruncho chips , Cavins milk , panner , curd , ghee , Maa mango juice , apple juice ……

HEAD OFFICE :
CavinKare Pvt. Ltd.,
Cavinville, No. 12, Cenotaph Road,
Chennai - 600 018.
Phone : 044 - 66317560
www.cavincare.com/

பிஸ்லரி

உள்ளூர் பொருட்களை ஆதரிப்போம் - 5

பிஸ்லரி

 
1965 ஆம் ஆண்டு இத்தாலியை சேர்ந்த சிக்னர் பெலிஸ் பிஸ்லரி என்பவரால் மும்பையில் துவங்கப்பட்ட பிஸ்லரி வாட்டர் நிறுவனத்தை , 1969 இல் பார்லே நிறுவனர் ஜெயந்திலால் சவுகான் கையகப்படுத்தினார் . அன்று முதல் இந்தியாவில் அசைக்க முடியாத குடிநீர் நிறுவனமாக பிஸ்லரி விளங்குகிறது .

1993 இல் கோக் இந்திய சந்தையில் நுழைந்த பிறகு , நாடு முழுவதும் பிஸ்லரியை அறிமுகப்படுத்தினார் ஜெயந்திலாலின் மகன் ரமேஷ் சவுகான் . இன்றுவரை பார்லே இந்தியாவின் துணை நிறுவனமாக ,இந்திய பாட்டில் குடிநீரில் 50 சதவீதத்திற்கு மேல் விற்பனையை கொண்டுள்ளது பிஸ்லரி .
தற்போது இந்தியா முழுவதும் 40 க்கும் மேற்பட்ட இடங்களில் பிளான்டுகளை கொண்டுள்ள பிஸ்லரியின் விற்பனையை கோக் , பெப்சியால் ஒன்றும் செய்யமுடியவில்லை .

அக்குவாஃபீனா , கின்லி குடிநீரில் பூச்சிக்கொல்லி மருந்து அதிகம் இருப்பதாக புகார் வந்த நேரத்திலும் பிஸ்லரி மீது புகார் இல்லை. குடிநீர் தரத்தை போலவே பாட்டிலின் தரத்தையும் உயர்த்தியது . கிரேட் 1 பாட்டில்களை உபயோகப்படுத்தும் பிஸ்லரி , அந்த பாட்டில்கள் 100 சதவீதம் மறுசுழற்சிக்கு உகந்தவை என அறிவித்துள்ளது .

பிஸ்லரியும் நிலத்தடி நீரை உறிஞ்சுகிறது தான் . ஆனால் கோக் , பெப்சி மீது வந்தது போல புகார் வரவில்லை . எதிர்காலத்தில் கடல்நீரை குடிநீராக சுத்திகரிக்கும் ஆலையை பிஸ்லரி அமைத்தால் , 100 சதவீத ஆதரவு உண்டு .

PRODUCTS : DRINKING WATER , SODA , URZZA , BISLERI POP ( cool drinks ) ....

Head office : Bisleri International Pvt. Ltd. Western Express Highway, Andheri (East), Mumbai - 400 099
Phone : +91 7045050505
web : http://www.bisleri.com/

கேம்ப்கோ சாக்லேட்

உள்ளூர் பொருட்களை ஆதரிப்போம் - 4

கேம்ப்கோ சாக்லேட்

இந்திய பார் சாக்லேட் விற்பனையில் 90 சதவீதம் கேட்பரீஸ் , நெஸ்லே , பெராரி , கான்டூர் போன்ற வெளிநாட்டு நிறுவனங்களே உள்ளன . இவர்களை மீறி உள்ள இரண்டு இந்திய நிறுவனங்கள் ஒன்று அமுல் , மற்றொன்று கேம்ப்கோ . இரண்டுமே அரசு சார்ந்த கூட்டுறவு நிறுவனங்கள் என்பதுதான் ஆச்சரியம்.

கேம்ப்கோ 1973 ஆம் ஆண்டு தொடங்கப்பட்ட கர்நாடகா கேரளா மாநிலங்களின் கூட்டுறவு நிறுவனம் ஆகும் . ( Central Arecanut and Cocoa Marketing and Processing Co-operative Limited or CAMPCO ) . இந்தியாவில் கொக்கோ விவசாயிகளை ஊக்குவிக்கும் வகையில் தொடங்கப்பட்டது . இப்போது கோவா , அஸ்ஸாம் மாநிலங்களுக்கும் விரிவுபடுத்தப் பட்டுள்ளது .தமிழகத்திலும் தாராபுரத்தில் கேம்ப்கோவின் கூட்டுறவு மையம் உள்ளது .

கேம்ப்கோவின் சாக்லேட் தொழிற்சாலை 1986 ஆம் ஆண்டு தக்ஷின கர்நாடகாவில் உள்ள புத்தூரில் தொடங்கப்பட்டது . இந்த தொழிற்சாலை இப்போது தெற்கு ஆசியாவில் பெரிய கோகோ ஆலை ஆகும். கேம்ப்கோவில் தயாரிக்கப்படும் கோகோ பட்டர் மற்றும் கோகோ பவுடர் உலக அளவிலான பெரிய சாக்லேட் கம்பெனிகளுக்கு அனுப்ப படுகின்றன .

இப்போது 20 க்கும் மேற்பட்ட ரகங்களில் சாக்லேட்டுகள் தயாரிக்கப் படுகின்றன . தரத்திலும் சுவையிலும் அருமையாக உள்ள கேம்ப்கோ சாக்லேட்டுகள் சரியான மார்க்கெட்டிங் இல்லாததால் , எல்லா இடங்களிலும் கிடைப்பதில்லை. மக்கள் விரும்பி கேட்க ஆரம்பித்தால் எல்லா இடங்களிலும் கிடைக்கும். லாபம் மக்களுக்கு போய் சேரும் .

Products : 20 verity choclates from 2 rs to 100 rs, coco powder ..

HEAD OFFICE

The CAMPCO Ltd.,
Head Office,P.B.No.223,
“Varanashi Towers”, Mission Street,Mangalore,
Dakshina Kannada,KARNATAKA -575001.
PHONE : 0824-2888200
Web : www.campco.org

காளிமார்க்_பொவண்டோ

உள்ளூர் பொருட்களை ஆதரிப்போம் - 3

காளிமார்க்_பொவண்டோ

 
1916 ஆம் ஆண்டு பழனியப்ப நாடார் என்பவரால் விருதுநகரில் தொடங்கப்பட்டகாளிமார்க் நிறுவனம் நூற்றாண்டை கடந்து நிற்கும் ஒரே இந்திய குளிர்பான நிறுவனம் .

90 களில் கோக் , பெப்சி இந்தியாவில் நுழைந்த போது இந்தியாவெங்கும் உள்ள குளிர்பான நிறுவனங்களை வாங்கிவிட்டது . ஆனால் காளிமார்க்கை வாங்கவில்லை . காரணம் மதுரை, திருச்சி, கும்பகோணம், சென்னை, சேலம் என்று தமிழகம் முழுவதும் எட்டு இடங்களில் தனித்தனியாக இயங்கிவந்தது. தமிழகம் தாண்டி விற்பனையும் இல்லை . எனவே கண்டுகொள்ளவில்லை.
ஆனால் அதன் பின்னர் கொஞ்சம் கொஞ்சமாக விற்பனையை பிடித்த காளிமார்க்கை கண்டு கோக் அதிர்ச்சி அடைந்தது . இப்போது விலைக்கு கேட்டபோது காளிமார்க் மறுத்து விட்டது .

இப்போது கோக் ஒரு வேலை செய்தது . பொவொண்டோ விற்பனையில் 75 சதவீதம் 200மிலி , 250மிலி கண்ணாடி பாட்டில்கள் தான் இருந்தது . ஒரு காலி பொவொண்டோ பாட்டில் கொடுத்தால் ஒரு முழு பாட்டில் கோக் இலவசம் என கடைக்காரர்களிடம் கூறி லட்சக்கணக்கான பாட்டில்களை வாங்கி அழித்தது . அதன்பின் பெட் பாட்டில்களில் பொவொண்டோ விற்பனை மேலும் அதிகரித்தது .

அதன்பிறகு மேலும் ஆத்திரம் அடைந்த கோக் உலகிலேயே தமிழ் நாட்டிற்கு மட்டும் போர்டேல்லோ என்ற பெயரில் பொவொண்டோ போலவே பேன்டாவாவை 2014 இல் அறிமுகம் செய்தது  .இருப்பினும் வேலைக்கு ஆகவில்லை. இப்போது தமிழகம் தாண்டி சிங்கப்பூர் , மலேசியாவிலும் விற்பனை ஆகிறது.

காளிமார்க் தயாரிப்புகள் :பொவொண்டோ ,கிளப் சோடா , விப்ரோ பன்னீர் சோடா , ஜிஞ்சர் சோடா , லெமன், ட்ரியோ ஆரஞ்சு, மேங்கோ ...

கோக் ,பெப்சியை விட சிறந்ததா...

இதுவும் சர்க்கரை சேர்த்த கார்பனேட் பணம் தான் . ஆனால் கோக் , பெப்சியில் உள்ள காபினைன் என்ற நச்சு இல்லை என காளிமார்க் உறுதி அளிக்கிறது . சுவையானது . சோடா பானங்கள் குடித்தே ஆகவேண்டுமெனில் நிச்சயம் பொவொண்டோ சரியான தேர்வு. 100 ரூபாய்க்கு பொவொண்டோ விற்றால் 100 ரூபாயும் இங்கேயே இருக்கும். ஆனால் அந்நிய பான விற்பனையில் பாதி பணம் வெளிநாட்டிற்கு போய்விடுகிறது.

headoffice : 6/58-1, Alwarkarkulam Road, Manakarai, Thoothukudi, Tamil Nadu 628619 ,
ph.no +91 92448 22589, +91 98433 22589

பவர் சோப்

உள்ளூர் பொருட்களை ஆதரிப்போம் - 2

பவர் சோப்

திண்டுக்கல்லை அடுத்த கொடைரோட்டில் 1970 ஆம் ஆண்டு தொடங்கப்பட்டது பவர் சோப் கம்பெனி . ஆரம்பத்தில் சலவை சோப் மட்டும் தயாரித்த பவர் நிறுவனம் , பின்னர் சோப்பு தூள் , குளியல் சோப் என நிறைய ரகங்களை தயாரிக்கிறது.

இப்போது சென்னை , பாண்டிச்சேரி , சில்வாசா உட்பட பல இடங்களில் தன் தொழிற்சாலையை விரிவு படுத்தி உள்ளது. 10 ஆண்டுகளுக்கு முன் தமிழகத்தில் சலவை சோப் விற்பனையில் குறிப்பிட தக்க அளவிற்கு பவர் விற்பனை ஆவதை அறிந்த யூனிலீவர் நிறுவனம் அதை வாங்க பெரிய அளவில் முயற்சிகள் செய்தது. ஆனால் பவர் சோப் உரிமையாளர் விற்பனை செய்ய மறுத்துவிட்டார்.

குளியல் சோப்பில் பப்பாளி , எலுமிச்சை , ஹெர்பல் , ரோஸ் , லேவண்டர் , சந்தனம் என பல ரகங்களை அறிமுகப் படுத்தியது. ஜியோ பவர் என்ற பெயரில் டிஷ்வாஷ் பார்களை வெளியிட்டுள்ளது .

தென்னிந்தியாவெங்கும் விற்பனை ஆகும் பவர் தயாரிப்புகள் , இப்போது வளைகுடா நாடுகளுக்கும் ஏற்றுமதி செய்யப் படுகிறது.

POWER PRODUCTS : NATURE POWER BATH SOAP , POWER DETERGENT SOAP , WASHING POWDER , GIO POWER DISHWASH BAR .....

HEAD OFFICE : Abirami Soap Works
R.S.No.94/1, Embalam Main Road
Sembiapalayam Village,
Korkadu Post
Puducherry 605 110
Contact0413 2665226,0413 2266111

AVIOD : MNC BRANDS , UNILEAVER , P&G , YARDLY SOAPS

ரோசாப்பூ ரவிக்கைக்காரி

ரோசாப்பூ ரவிக்கைக்காரி 

தேவராஜ் மோகன் இயக்கத்தில் 1979 ஆம் ஆண்டு வெளிவந்தது இந்த படம். முழு படமும் ஏற்காடு அருகே உள்ள வாழவந்தி போன்ற மலை கிராமங்களில் எடுக்கப்பட்டது.

"வெத்தல வெத்தல வெத்தலையோ..."
"உச்சி வகுந்தெடுத்து ..."
"என்னுள்ளில் எங்கோ கேட்கும் கீதம் ...."
இளையராஜாவின் இந்த பாடல்களுக்காக மட்டுமே இந்த படம் இன்னும் நினைவில் நிற்கிறது.

கதை ,திரைக்கதை தேவராஜ் மோகன் . ஆனால் இந்த படம் அதே ஆண்டு வெளியான God must be crazy என்ற ஆங்கில படத்தை தழுவி எடுக்கப்பட்டது . அந்த படத்தில் எளிமையாக , ஒற்றுமையாக வாழும் ஒரு பழங்குடி மக்களிடையே ஒரு கோக் பாட்டில் கிடைக்க , அதன் மூலம் அவர்களின் வாழ்வில் நடக்கும் பிரச்சனைகளை சொல்லி இருப்பார்கள்.

அதே கதைதான். ஒற்றுமையாக , எளிமையாக வாழும் மலைவாழ் மக்கள் குடும்பத்தில் வாக்கப்பட்டு செல்கிறாள் நாகரிக பெண் ஒருத்தி. ரவிக்கை அணியாத மக்களிடையே நாகரிக மோகத்தை புகுத்துகிறாள் . ஆனால் ரவிக்கை அணியாத காலத்தில் விகல்பம் இல்லாமல் கண்ணியமாக வாழ்ந்த மக்கள் , நாகரீகம் வந்த பிறகு கெட தொடங்குகிறார்கள். செயற்கையான நாகரிகமே வாழ்வை அழித்துவிடும் என்ற கருத்தோடு முடிகிறது படம். சிவகுமாரும் தீபாவும் வாழ்த்து காட்டி இருக்கிறார்கள்.

God must be crazy போல இந்த படமும் மிகவும் மெதுவாக தான் நகர்கிறது . நிறைய பேருக்கு பிடிக்காமல் போகலாம். ஆனால் எளிமையை , ஒற்றுமையை , கூட்டு குடும்ப வாழ்க்கையை , இயற்கையை , கலாச்சாரத்தை அருமையாக உணர்த்தும் படம் . நான் இப்போது தான் பார்த்தேன்.நீங்களும் முடிந்தால் பாருங்கள் .

Mohan ,Salem.

நரசுஸ்

உள்ளூர் பொருட்களை ஆதரிப்போம் - 1

நரசுஸ்

உள்ளூர் பொருட்களில் முதலாவதாக எங்கள் சேலத்தை சேர்ந்த நரசுஸ் நிறுவனத்தை அறிமுகப் படுத்துவதில் பெருமை அடைகிறேன் .

இந்தியாவின் பாரம்பரிய காபி நிறுவங்களில் சேலம் நரசுஸ் காபியும் ( Since 1926 ) ஒன்று. ஆரம்பத்தில் நரசுஸ் PB , நரசுஸ் REB என்ற இரண்டு ரகங்களில் பில்ட்டர் காபி ரகங்கள் வந்தது. 15 ஆண்டுகளுக்கு முன் சிக்கரி கலந்த காபி உதயம் என்ற பெயரில் வெளிவந்தது.

MNC நிறுவனங்களுக்கு இணையாக இன்ஸ்டன்ட் காபி தயாரிக்கும் தொழிற்சாலையை சேலம் வீராணம் பகுதியில் 400 கோடி முதலீட்டில் 2009 ஆண்டு தொடங்கப் பட்டது . ஐரோப்பிய நாடுகளுக்கும் ஏற்றுமதி செய்யப் பட்டது.

சுவை மிகுந்த நரசுஸ் தயாரிப்புகள் ...

Narasus PB , REB, Udhayam , Instant coffee pure , Instant strong , hotel blend filter coffee , instant 200g hotel pack , Chicory , Akshara tea ....

Head office :
16 ,COURT ROAD, JOHNSONPET, SALEM - 636 007
TEL :0427-2418877 / 2417560 / 2416192
www.http://narasuscoffee.in

Avoid MNC Brands : BRU , SUNRISE

உள்ளூர் பொருட்களை ஆதரிப்போம் - 1

தமிழுக்கு அமுதென்று பேர் 1

தமிழுக்கு அமுதென்று பேர் 

ஆற்று வெள்ளம் நாளை வரத்
தோற்றுதே குறி - மலை
யாளமின்னல் ஈழமின்னல்
சூழ மின்னுதே
நேற்றும் இன்றும் கொம்பு சுற்றிக்
காற்று அடிக்குதே - கேணி
நீர்ப்படு சொறித் தவளை
கூப்பிடுகுதே
சேற்று நண்டு சேற்றில் வளை
ஏற்று அடைக்குதே - மழை
தேடி ஒருகோடி வானம்
பாடி யாடுதே
போற்றுதிரு மால்அழகர்க்கு
ஏற்றமாம் பண்ணைச் - சேரிப்
புள்ளிப் பள்ளர் ஆடிப்பாடித்
துள்ளிக் கொள்வோமே

[முக்கூடற் பள்ளு]

நாளைய தினம் ஆற்றிலே வெள்ளம் வர இருப்பதற்குரிய அறிகுறிகள் தென்படுகின்றன. தென்மேற்குத் திசையிலே மலையாள மின்னல் மின்னிக் கொண்டுள்ளது. தென் கிழக்குத் திசையிலே ஈழத்து மின்னல் மின்னிக் கொண்டுள்ளது. நேற்றும் இன்றும் மரக்கொம்புகளைச் சுற்றியவாறு காற்று அடிக்கிறது. கிணற்றிலே உள்ள சொறித்தவளைகள் கூப்பாடு போடுகின்றன. நண்டுகள் தம் வளைகளுள் மழை நீர் புகுந்து விடாதபடி வாயில்களைச் சேற்றினால் அடைக்கின்றன. மழை நீரைத் தேடிக் கோடி வானம்பாடிகள் அங்கும் இங்கும் பறக்கின்றன. இதோ நாம் சந்தோசமாக ஆடிப்பாடி உழவுத் தொழிலை ஆரம்பிக்கலாம் .

தமிழுக்கு அமுதென்று பேர் - 1