இது ஸ்பெக்ட்ரம் காலத்தில் நடக்கும் தேர்தல். நேர்மை , எளிமை, தூய்மை, உண்மை போன்றவை கிலோ என்ன விலை என கேட்கும் தலைவர்கள் உங்களைத் தேடி வருகிறார்கள். இந்த காலத்திலும் மேலே சொன்ன நேர்மை , எளிமை, தூய்மை, உண்மை போன்றவற்றை கடைபிடிக்கும் தலைவர்கள், உள்ளார்களா என தேடியபோது ஒரு சிலர் தேறினார்கள். அவர்களின் பட்டியலைத் தருகிறேன்.
அவர்களில் சிலர் நேரடி அரசியலில் ஈடுபடாதவர்களாகவும் இருக்கலாம்.
இருந்தாலும் இந்த தேர்தல் நேரத்தில் இருக்கும் ஒரு சில நல்லவர்களை அடையாளம் காட்டும் முயற்ச்சி இது.
.ப.ஜெ.அப்துல் கலாம்
(முதல் பெயராக எழுத இவரை விட்டால் ஆள் இல்லை )
திரு.நல்லக்கண்ணு
திரு. தா.பாண்டியன் ( சில விதிவிலக்குகளுடன் )
திரு .மகேந்திரன் (சிபி ஐ எம்.எல்.ஏ )
செல்வி .பாலபாரதி ( சிபிஎம் எம்.எல்.ஏ )
சைதை துரைசாமி (அ.தி.மு.க வேட்பாளர் ,கொளத்தூர் தொகுதி,மனிநேய மன்றம் )
வைகோ ( சில விதிவிலக்குகளுடன்)
திரு.டி.ராஜா (இ.கம்யூ மாநிலங்களவை எம்பி , நடப்பு பாராளுமன்ற எம்பிக்களில் மிகவும் ஏழையான எம்பியாக அறிவிக்கப்பட்டுள்ளார்.)
திரு.தமிழருவி மணியன் (அரசியல் விமர்சகர்)
திரு.சோ ,அரசியல் விமர்சகர்
இயக்குனர் சீமான் (நாம் தமிழர் இயக்கம்)
இயக்குனர் தங்கர்பச்சான் (அரசியல் விமர்சகர்)
பழ.நெடுமாறன்
உமாசங்கர் ஐ.ஏ.எஸ் (எல்காட் தலைவர் )
.சகாயம் ஐ.ஏ.எஸ் (நாமக்கல் மாவட்ட முன்னாள் ஆட்சியர் )
.நாராயணன் கிருஷ்ணன் ,மதுரை (சமூக சேவகர், சிஎன்என் தொலைகாட்சி 2010 ன் உலகின் டாப் 10 ஹீரோக்களில் ஒருவராக தேர்ந்தெடுத்து உள்ளது.
இவரைப் பற்றி மேலும் அறிய http://www.akshayatrust.org/ என்ற வலைத்தளத்தைப் பார்க்கவும்)
இப்பொதைக்கு தோன்றியவர்களை குறிப்பிட்டுள்ளேன். உங்களுக்கு தெரிந்த நல்லவர்களின் பெயர்களை கூறுங்கள்.நல்லவர்களின் பட்டியலில் சேர்க்கப்படும்.
குறிப்பு ;
இந்த பதிவை படித்துவிட்டுத் தோழர் விடுதலை அனுப்பிய தகவல்
இப்படியும் ஓரு எம்.எல்.ஏ இருக்க முடியுமா தமிழ்நாட்டில்
இந்த ஆட்சிக்கான சட்டமன்றக் கூட்டத் தொடர் கடந்த பத்தாம் தேதி யோடு முடிவடைந்துவிட்டது. ஐந்து ஆண்டுகள் எம்எல்ஏவாக இருந்திட்ட தெம்பில் பலர் உற்சாகத்தோடு தொண்டர்கள் புடைசூழ விடுதியில் வலம் வந்து கொண்டிருந்தார்கள். ஒவ்வொரு சட்டமன்ற உறுப்பினர் விடுதிக்கு முன் னாலும் குறைந்தது ஐம்பது, அறுபது பேர் ‘தேவ்டு’ காத்து நிற்கிறார்கள். மார்க்சிஸ்ட் கட்சியின் மதுரை கிழக்கு தொகுதி எம்எல்ஏவான நன்மாறனின் அறை மட்டும் ஆள் அரவமற்று அமைதியாய் நிற்கிறது. உள்ளே ஒரு உருவம் ஓடியாடி ஏதோ அவசரத்தில் தன் உடைமைகளை ஒரு பையில் எடுத்து அழுத்திக் கொண்டிருந்தது. கூர்ந்து பார்த்தால் நன்மாறன் எம்எல்ஏ.
‘எம்எல்ஏவுக்கு 50 ஆயிரம் சம்பளம் தருகிறது அரசாங்கம். அத கட்சிக்கு கொடுத்துடுவேன். கட்சியின் முழு நேர ஊழியர் நான். அதற்காக கட்சி 5500 ரூபாய் சம்பளம் தருகிறது. அதுதான் குடும்ப ஜீவனத்துக்கு ஆதா ரம்” என்று எளிமையாய் சிரிக்கிறார்.
நன்மாறனுக்கு இரண்டு மகன்கள், ஒரு பையன் எம்எஸ்சி படித்துவிட்டு வேலைபார்க்கிறார். இன்னொருவர் பி.ஏ.பட்டதாரி. மனைவி சண்முக வள்ளி நன்மாறனின் உறவினர் வீட் டுப் பெண்!
‘பாட்டி காலத்துல இருந்து ஒரு வீட்ல குடி இருந்தோம். அந்த வீட்ட வாங்கிக்கச் சொல்லி வீட்டு உரிமை யாளர் கேட்டுக்கிட்டார். பத்து வருஷத் துக்கு முன்னாடி வாங்கினது.184 சதுரடி. சின்னதா ஒரு வீடு, இதுதாங்க நம்ம சொத்து’ என்கிறார்.
நன்மாறனின் எளிமை ஊர் அறிந்த விஷயம். தன்னுடைய மகனின் கல்லூரி சேர்ப்புக்காக சென்றபோது, கல்லூரி கேட்ட சின்ன தொகையை தயார் செய்து கொண்டு போவதற்குள், அட்மிஷன் முடிந்துவிட்டது. சிபாரிசு எதுவும் போகாமல் வேறு கல்லூரியில் தன் மகனைச் சேர்த்துவிட்டு விட்டார். யாரும் தன்னை குறை சொல்லிவிடக் கூடாது என்று அச்சப்படும் தன்மாறன் இந்த நன்மாறன்.
அம்மா, அப்பா: கூலி வேலை மகள் : எம்எல்ஏ
இவரைப் போலவே மிக சிம்பிள் திருவட்டாரு எம்எல்ஏ லீமாரோஸ். அவரைத் தேடிச் சென்றபோது ஒரு டீக்கடையில் தனியாக நின்று டீ குடித் துக் கொண்டிருந்தார். யாரும் அவரு டன் இல்லை. தனி மனுஷி!
“ஒருமுறை மக்கள் பிரச்சனைக்காக அரசு அலுவலகத்திற்குப் போன போது உள்ளே விட மறுத்துட்டாங்க. எம்எல்ஏன்னா ஆடம்பரமாக பெரிய படையோட வரணும்னு எதிர்பார்க்குறாங்க அதிகாரிங்க. என்னோட அடை யாள அட்டையைக் காட்டினதற்கு அப்புறம்தான் உள்ளேயே விட்டாங்க” என்கிறார். இந்தக் காலத்திலும் எம்எல்ஏவுக்கான எந்த அடையாள மும் இல்லாமல் இருப்பவர்.
‘எங்க போனாலும் பஸ்தாங்க. பலமுறை எம்எல்ஏன்னு நடத்துனர் கிட்ட சொன்னாக் கூட நம்ப மறுக் கிறாங்க.
சாதாரண குடும்பத்துல இருந்து வந்தவள் நான். ஊர்ல என் அம்மாவும், அப்பாவும் கூலி வேலைக்குப் போறாங்க. இந்த மக்கள் என்னை மாதிரியான ஒரு ஏழ்மையான பின்னணியில் இருந்து வந்தவளை ஏற்றுக் கொண்டாங்க இல்லையா? அவங்களுக்கு தான் நான் நன்றி சொல்லணும்’ என்று சொல்லும் லீமாரோஸ் பணபலம் இல் லாமல் வெற்றி பெற்ற எம்எல்ஏ.
‘உங்களுக்கு என்று உள்ள சொத்து என்ன?’ என்றால், பெரியதாக சிரித்த வர்... ‘ஒன்றுமில்ல. 2002ல் இருந்து மூன்று மாசத்துக்கு ஒருமுறை 359 ரூபாய் பிரீமியம் கட்டுற மாதிரி ஒரு எல்ஐசி பாலிசி போட்டேன். அதான் என் சொத்து’ என்று நம்மை பதற்றப் பட வைக்கிறார்.
கட்சி இவருக்கு சம்பளமாக கொடுப்பது மாதம் 4 ஆயிரம்!
“சட்டமன்றக் கூட்டத் தொடருக்கு வரும்போது கூட ரயிலில் இரண்டாம் வகுப்புலதான் வருகிறேன். ஏ.சி. கோச்ல வரலாமே என்று ரயில் பரிசோதனை அதிகாரிகள் கேட்கிறார் கள். எந்த கிளாஸ்ல வந்தா என்ன சார்? எல்லா ரயிலும் சென்னைக்குதானே வருகிறது?” என்று சொல்லும் லீமா ரோஸ், நன்மாறன் மாதிரியான எம்எல் ஏக்களை அடுத்த ஆட்சியில் மக்கள் கௌரவிப்பார்களா?
