டாம்ப்கால்

உள்ளூர் பொருட்களை ஆதரிப்போம் - 7 

டாம்ப்கால் 

Tamil Nadu Medical Plant Farms & Herbal Medicine Corporation Limited ( தமிழ்நாடு மருத்துவ தாவர பண்ணைகள் மற்றும் மூலிகை மருந்துகள் கழகம் ) என்ற TAMPCOL நிறுவனம் 1983 ஆம் ஆண்டு தொடங்கப்பட்டது . இது ஒரு தமிழ்நாடு அரசு நிறுவனம். காஞ்சிபுரம் மாவட்டம் ஆலந்தூரில் தொழிற்சாலை உள்ளது. 

டாம்ப்கால் முதலில் அறிமுகப் படுத்திய ஹேர் ஆயில் இன்றுவரை தரமான எண்ணையாக மக்கள் விரும்புகிறார்கள். ஆனால் 100 ரூபாய்க்கு கிடைக்கும் தரமான டாம்ப்கால் ஹேர் ஆயிலைவிட 1500 ரூபாய்க்கு விற்கும் எர்வாமேட்டினை விளம்பரமோகத்தில் வாங்குவது .... என்ன சொல்வது ...

டாம்ப்கால் 2009 ஆம் ஆண்டு அறிமுகப் படுத்திய லபூப் சகீர் என்ற ஆண்மைக்குறைவுக்கான லேகியம் பெரிய வெற்றி பெற்றது . அரை கிலோ 300 ரூபாய்க்கு விற்ற இந்த லேகியம் , 3000 முதல் 5000 ரூபாய் வரை விற்ற போலி மருத்துவர்களுக்கு கிலி ஏற்படுத்தியது . இன்றும் டாம்ப்கால் தயாரிப்புகளை வாங்கி டப்பா மாற்றி பல மடங்கு சேர்த்து விற்கிறார்கள் டிவி புகழ் மருத்துவர்களும் , ஹோட்டல் விஜயம் செய்யும் மருத்துவர்களும்.

கடந்த ஆண்டு தமிழகமெங்கும் சிக்கன் குனியா , டெங்கு வேகமாக பரவியபோது அதை கட்டுப்படுத்தியதில் டாம்ப்கால் தயாரிப்பான நிலவேம்புக் குடிநீர் முக்கிய பங்கு வகித்தது . அனைத்து அரசு மருத்துவமனை , ஆரம்ப சுகாதார நிலையங்களில் இலவசமாக வழங்கப் பட்டது .

டாம்ப்கால் இப்போது ஹேர் ஆயில் ,தைலம் , சூரணம் , பஸ்மம் , லேகியம் , ஆயில்மெண்ட் , குடிநீர் சூரணம் என பலவகைகளில் 50க்கும் மேற்பட்ட சித்தா , யுனானி மருந்துகளை தயாரிக்கிறது. மொத்தம் 275 வகை மூலிகைகளைக் கொண்டு டாம்ப்கால் பொருட்கள் தயாரிக்கப்படுகின்றன.

Registered Office:
Tampcol Buildings,
Anna Hospital Campus,
Arumbakkam,
Chennai-600106.
Telephone : 044 - 26202640
www.tampcol.in